Polşanın Siemianowice Slaskie kəndində kimyəvi tullantılar anbarında güclü yanğın baş verib.
Oxu24.com xəbər verir ki, bu barədə RMF FM radiostansiyası məlumat yayıb.
“Siemianowice-Slask şəhərinin Osvobojdeniye küçəsindəki tullantı sahəsində güclü yanğın baş verib”, - məlumatda qeyd edilir. Söndürmə işlərinə onlarla yanğınsöndürmə briqadası cəlb edilib.
Ölənlər barədə məlumat yoxdur.
Hökumətin təhlükəsizlik mərkəzi tərəfindən edilən xəbərdarlıqda bölgə sakinləri yanğından uzaq durmağa, pəncərələri bağlamağa və imkan daxilində evdə qalmağa çağırılıb.
RMF FM-in məlumatına görə, poliqonun üstündə tüstü sütunu 30 kilometr məsafədə görünür və yanğın sahəsi beş min kvadratmetr qiymətləndirilir.
Poliqonda çəlləklərdə və plastik tullantılarda təxminən beş min tona yaxın tullantı olduğu güman edilir.
Mayın 3-də Berlində hava hücumundan müdafiə sistemlərinin istehsal olunduğu müdafiə zavodunda yanğın baş verib. Zavodun ərazisində çoxlu miqdarda təhlükəli kimyəvi maddələr var idi.
Nigar
