“Xiyar” demə, “xeyir” de!

Yaz aylarında “az qala” hər yeməyin yanında süfrəyə gətirilən xiyar sağlamlıq üçün çox faydalı bir tərəvəzdir. Onun qabığı da əsl vitamin mənbəyi, lif qaynağıdır.
Xiyarın yaşıl qabığında olan lif, vita­minlər və antioksidantlar sağlamlığa faydalı təsir göstərir. Mütəxəssislərin fikrincə, xiyar qabığının ən mühüm faydası immunitet sis­temini gücləndirməsidir. 
Həzm prosesini asanlaşdıran xiyar və qabığı müntəzəm qəbul edildikdə mədə prob­lemlərini aradan qaldırır. Xiyarın tərkibindəki bol su həzmi dəstəkləyir və bədənin maye ba­lansını qoruyur. Buna görə də, xiyarı qabıqlı yemək tövsiyə olunur.
Bir çox insanı maraqlandıran əsas məsələ xiyar qabığının dəriyə təsiridir. Qabıqdakı silisium mineralı saç və dırnaqları güclən­dirməyə kömək edir, antioksidantlar qırışları azaldır, dərini sağlam və gənc göstərir. 
Xiyardan faydalanmaq üçün qabıqlarını qaynadıb çay kimi də içmək olar. Qabıqlar arıqlamağı asanlaşdırır. 
Z.HÜSEYNLİ XQ