phrase_var_article.

Hindistan əhalinin sayına görə dünyada birinci yerdə oldu

qaynarinfo.az

23:42 17.04.2024

Hindistan əhalisinin sayına görə dünyada lider ölkə olub.

APA xəbər verir ki, bu barədə BMT-nin Əhali Fondunun (UNFPA) hesabatında deyilir.

Hazırda bu ölkədə 1 milyard 442 milyon insan var.

İkinci yerdə 1 milyard 425 milyonla Çindir.

Fond Hindistan əhalisinin artımını ölkədə sosial-iqtisadi vəziyyətin yaxşılaşması və ana ölümü səviyyəsinin azalması ilə əlaqələndirir.

BMT-nin hesablamalarına görə, 1990-cı ildə dünyada ana ölümlərinin 26 faizi Hindistanın payına düşüb, 2020-ci ilə qədər bu rəqəm səkkiz olub.

Hesabata görə, hazırda Hindistan əhalisinin 26 fazii 10-24 yaş arasındadır.

Ötən il ölkədə orta ömür həddi kişilər üçün 71, qadınlar üçün isə 74 yaş hesab edilib.

2011-ci ildə aparılan son siyahıyaalmaya görə, Hindistanın əhalisi 1 milyard 210 milyon idi.

Çinin əhalisi, BMT-nin hesablamalarına görə, 2022-ci ildə 1milyard 426 milyon nəfərə çatıb və azalmağa başlayıb.

Mütəxəssislər bu əsrin sonuna qədər Çin əhalisinin 1 milyarddan aşağı düşəcəyini proqnozlaşdırıblar.

Digər tərəfdən Hindistan əhalisinin növbəti bir neçə onillikdə artmağa davam edəcəyi gözlənilir.

Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.

Seçilən

152

Mənbələr

Şərh ()

Reytinq