Çempionlar Liqası: İki oyunda on qol vuruldu - VİDEO

UEFA Çempionlar Liqasında (ÇL) 1/4 final mərhələsinə start verilib.

Oxu.Az xəbər verir ki, ilk gündə iki oyun keçirilib.

Turnirin favoritləri “Real Madrid”lə “Mançester Siti” birincilərin meydanında üz-üzə gəliblər. ÇL-in ən titullu komandası ilə turnirin son qalibi arasındakı qol duelində qalib müəyyənləşməyib - 3:3.

Digər qarşılaşma Londonda baş tutub. Yerli “Arsenal” Münhen “Bavariya”sını qəbul edib. Tərəflər hərəyə iki dəfə fərqlənməklə sülhə razılaşıblar - 2:2.

Qeyd edək ki, mərhələnin “Atletiko” (İspaniya) - “Borussiya” (Dortmund) və PSJ (Fransa) - “Barselona” (İspaniya) oyunları aprelin 10-da keçiriləcək. Cavab matçları isə aprelin 16-17-də təşkil olunacaq.