Hər gün içdiyimiz çay XƏRÇƏNG YARADIR - Bu səhvi etməyin

Çay Azərbaycan mədəniyyətinin ayrılmaz hissəsidir. Ölkəmizdə adətən armudu stəkanda içilən bu içki süfrəyə şirniyyat, çərəz və limonla birlikdə verilir. Hətta susuzlayıb-susuzlamamasından asılı olmayaraq, qonaq qarşısına çay qoyulur. Bu, qonağa hörmətin əlaməti sayılır.

Bundan başqa, çay ürək sağlamlığı üçün faydalıdır. Bu içki bağırsaq sağlamlığını yaxşılaşdırır, insult riskini azaltmağa kömək edir, qan şəkərinin səviyyəsini aşağı salır.

Bəs mədəniyyətimizdə bu qədər mühüm yerə malik olan çay hər hansı ciddi xəstəliyə səbəb ola bilərmi?

"Ölkə.az" xəbər verir ki, Türkiyənin məşhur həkimi Atilla Eroğlu çayın müxtəlif faydaları olduğu kimi bəzi zərərlərinin də olduğunu bildirib.

Həkimin sözlərinə görə, 85 dərəcədən yuxarı istehlak edilən çay həzm sistemində ciddi yanıqlara və hüceyrə dəyişikliklərinə səbəb olur.

Eroğlu xəbərdarlıq edib ki, çox isti içilən çay həzm sistemindəki baryeri yox edir və xərçəngə səbəb olur.

Buna görə də, mütəxəssislər istənilən isti içkinin 65 dərəcədən yuxarı temperaturda içilməməsini tövsiyə edirlər.(Musavat.com)